Српскиот фолк пејач, Аца Лукас, пред два дена, бил итно хоспитализиран откако му се слошило во неговиот дом.
Како што објавија српските медиуми, Лукас почувствувал силни болки во стомакот, а бидејќи болката не престанала, побарал лекарска помош. Веднаш бил примен во болница, каде што лекарите детално го прегледале и му ги направиле сите потребни анализи.
Лекарскиот тим дошол до заклучок дека не станува збор за некаква сериозна состојба или болест, по што пејачот бил пуштен на домашно лекување. При испитувањата е утврдено и дека Лукас не е позитивен на корона вирусот.
Но по информациите дека пејачот Аца Лукас бил хоспитализиран во болница заради болки во стомакот порталите низ балканот не престануваат да пишуваат за причината и сериозноста.
Но, крај на шпекулациите сепак стави самиот пејач кој се огласи во медиумите и демантираше дека бил хоспитализиран и дека воопшто побарал лекарска помош.
Тој додал дека последен пат бил во болница кога требало да прими ревакцина за корона.
фото: Архива
