Долгогодишниот конфликт меѓу Анџелина Џоли и Бред Пит повторно се најде во центарот на вниманието, откако правниот тим на актерката изнесе нови обвинувања против нејзиниот поранешен сопруг.
Адвокатот на Џоли тврди дека Пит продолжува да ја вознемирува актерката и дека се обидува да задржи контрола врз неа. Според нејзиниот правен тим, Џоли со години се обидува целосно да го прекине контактот и да продолжи со својот живот, но тоа и натаму ѝ било отежнато поради однесувањето на актерот.
Односот меѓу Џоли и Пит со години е проследен со меѓусебни обвинувања, судски спорови и правни битки, вклучително и околу старателството над нивните шест деца и заедничкиот имот.
Особено сложен беше спорот околу францускиот имот и винарската вила „Шато Миравал“, која двајцата ја поседуваа заедно за време на бракот. И овој случај дополнително ги продлабочи нивните несогласувања.
Џоли и Пит беа еден од најпознатите холивудски парови. Заедно поминаа повеќе од една деценија, а се венчаа во 2014 година. Џоли поднесе барање за развод во 2016 година.
Иако разводот правно беше финализиран кон крајот на 2024 година, нивните правни спорови продолжуваат и понатаму.
