Меѓународниот аеродром во Нешвил би можел да го добие името на легендарната кантри-музичарка Доли Партон, откако гувернерот на Тенеси, Бил Ли, и управата на аеродромот предложија негово преименување по нејзината смрт.
Според предлогот, преименувањето на меѓународниот аеродром во Нешвил (БНА) би претставувало траен спомен на наследството на Партон, која со својата музика и хуманитарна работа остави силен печат во Тенеси и во светот.
„На место каде што Тенеси го пречекува светот, сосема е соодветно БНА да го носи името на Доли Партон“, изјави гувернерот Ли.
Партон е родена во Тенеси во 1946 година, а во Нешвил се преселила во 1964 година. Токму таму ја започнала својата кариера како текстописец и музичар, а со текот на годините прерасна во една од најголемите ѕвезди на кантри музиката.
