Connect with us

#ФАЦИ

Ако возeњето мотори е втор пубертет, дај боже цел живот да ме држи, искрено со детскиот кардиохирург Владимир Чадиковски

Муабетот со доктор Владимир Чадиковски, детскиот кардиохирург, не може да биде досаден. Сеедно дали е за хирургијата, љубовта кон моторите, времињата кога со „стокец“ фамилијарно оделе кај тетките во Италија, бракот, меракот по „Твитер“ и „Инстаграм“… За сè има по некоја приказна.

Последниве две години е моторџија. По долгите часови поминати во операциона сала, возењето мотор е издувен вентил за стресната работа. Вели дека има три мотори и куп кациги. Пасија за која раскажува со сто мераци.

„Веќе две години возам мотори и не можам да замислам да не возам. Легнувам и станувам со таа помисла. Моторџиите ми станаа другари и тоа се една посебна фела, кои се многу интересни. Практично, имам најмал стаж кај моторџииве, ама теоретски не им се давам“, раскажува доктор Чадиковски во интревју за „Репоортер“

Ни откри дека станал колекционер на мотори. „Имам три мотори, од сите три типа, ама на работа одам со GS 800, BMW. Е, сега, не сум некој чоперски тип, па така да се облекувам, ама и возењево мотори малку ми го смени стилот на облекување. Нормално е со годините да се дојде и до некоја таква фаза како ова со возењето. Некои се шегуваат, демек втор пубертет мажите доживуваат, ама па ако ова е втор пубертет, дај боже да ме држи цел живот“, искрен е детскиот кардиохирург.

Во неговата приватна приказна има од сè по нешто. Од часови и денови поминати со книгата поради изборот на професијата до театарот како најголемата љубов во неговото семејство.

„Кај нас дома само за театар се зборуваше. Сите познати имиња ни дошле дома. Но, ете, и јас и брат ми се запишавме на медицина, а не на професијата што ја работеше татко ми“, вели Чадиковски, чиј татко го изгради и создаде Театарот за деца и младинци.

Татко и сопруг. Од 2001 година е во брак со Елена, која е магистер на човечки ресурси. Го имаат синот Виктор, кој има девет години. На прашањето како реагира како татко кога Виктор ќе се разболи, вели: „Тогаш покажувам некоја нервоза. Ама интересно е што тогаш сопругата е доктор, не јас. Во тие моменти таа е главна, се јавува кај колеги, врти на телефони, мене не ме слуша, вика јави се ваму, таму. И добро е што така прави оти јас сум субјективен“, се шегува Чадиковски.

Во однос на бракот ни откри дека поради професијата, често мора да е отсутен од дома и дека е среќен што сопругата добро се справува со сето ова и ја држи фамилијата.

„Јас сум тежок лик и треба некој да ме издржи, не сум за фалење, професијата бара многу часови минати надвор од дома. И јас сум човек со мани, ама и ова што го работам искрено прави да си малку чуден. И оваа приказна трае со години, а таа, ете, се надевам дека уште долго ќе се справува со ова“, искрен е детскиот кардиохирург.

За него е познато и дека е прилично влијателен на „Твитер“, а неговите твитови се споделуваат и во медиумите, па и за ова раскажа во интервјуто на „Репортер“. За приватната приказна на докторот, како и за онаа во операционата сала, оти кардиохирургијата не секогаш има позитивен исход, сите успешни операции и добрата вест што ќе му ја соопшти на семејството што чека пред операционата сала, гледајте го интервјуто.

Александра Георгиев

 

Извор: Репортер.мк

#ФАЦИ

Првпат во животот облеков фармерки откако ослабев 60 килограми: Пејачката Ивона Јо среќна и посветена на музиката 

Пејачката Ивона Јовановиќ ослабе 60 килограми и првпат во животот облече фармерки. Шест месеци по операцијата на желудникот вели дека конечно е задоволна кога ќе се погледне во огледало.

„Веќе ја немам онаа лажна самодоверба. Кога се затворивме во пандемијата, дознав многу работи за себе, на пример дека се прејадував не затоа што сум била гладна, туку за да го скријам стресот. Денес животот ми е сменет, вежбам јога, медитирам, посветена сум на пеењето и настапите и конечно сум вистински среќна“, вели Ивона во интервјуто на „Репортер“.

Се дружевме во Куманово, градот каде што е родена и живее. И додека ни ги откриваше омилените места на нејзиниот град разговаравме за сè. За музиката, настапите во „Ѕвездите на Гранд“, па и онаа болна тема, психичките проблеми кои со години ја мачеле поради дебелината.

„Никој не ме прашуваше како сум. Ме покажуваа со прст и коментираа дека сум дебела. Кога објавив слики на кои носам свилен фустан, луѓето мислеа дека промовирам гојазност. Јас тоа го направив за себе. Разговорите со психолог многу ми помогна да ги надминам проблемите и да сфатам дека имам многу квалитети за кои не бев свесна“, вели Ивона.

Од дете имала проблем со дебелината, Баба ѝ ја учела да носи широка облека за да ѝ го покрива телото. Денес, кога тоа е минато, Ивона вели дека веќе не се лути, ниту на родителите ниту на баба ѝ.

„Им простив, затоа што само така можев да тргнам напред и да ги надминам сите психолошки проблеми“, искрена е пејачката.

Низ сите овие години музиката ја водела напред. Зад неа е и бендот со кој ни покажа како се пее. А, кога е на јога, освен што го затега телото, си ја смирува и душата. Помеѓу музиката и јогата, секогаш наоѓа време за дружење и чаша вино со нејзиниот најдобар пријател, пејачот Марио Арангеловски. Марио го запознала на аудиција за ‘Идол’. Иако не се сакале, денес се најдобри другари.

„Баба му Ратка многу ме сака и сака да ѝ бидам снаа. Марио лаже дека не сме љубители на алкохолот. И двајцата  сакаме да испиеме чаша добро вино“, рече Ивона. Поради алкохол настанал и најсмешниот клип за јутјуб што го снимиле и бидејќи пијани глумеле модно жири, клипот никогаш не го објавиле.

Дали им било непријатно да се бакнуваат пред камери, како еден на друг си биле лоша среќа во „Гранд“, ама и зошто Ивона не ѝ пееше пратечки вокали на Калиопи на Евросонг. Тука се и муабетите за детството , за операцијата што ја чека пред крајот на годината, песната што наскоро ќе ја снима во Белград, како од 5ХЛ стигна до Л и зошто сака да отвори бутик на плус сајз девојки… гледајте го видеото.

Андријана Јовановска

 

Извор: Репортер.мк

Continue Reading

#ФАЦИ

(Видео) Геј пар се венчаше со евровизиската песна на Васил Гарванлиев

Евровизиските фанови Тој и Гој, кои имаат свој Јутјуб канал, биле толку многу воодушевени од песната Here I Stand што Васил Гарванлиев ја пееше лани на Евросонг, што ја избрале како главна песна на нивната свадба. Тие ова го открија во видеото во кое ги споделија своите впечатоци од песната Circles со која Андреа годинава ќе ја претставува Македонија на музичкото натпреварување.

„Се сеќавате ли каква реакција имав лани кога првпат ја слушав песната на Васил? Навивав за него да успее, и знам дека луѓето велат дека песната е малку лигава, ла, ла, ла, но ако ја слушнете само инструменталната верзија на песната, ќе сфатите дека е прекрасна. Прекрасна. Таа беше една од главните песни на нашата венчавка. Васил требаше да пее во финалето. Песната ја гледаме како вистински подарок од Васил за свадбата. И иако не сме го запознале, знаеме дека ќе го обожаваме и кога ќе го сретнеме“, велат Тој и Гој во видеото.

Инаку, песната Here I Stand беше промовирана пред точно една година, а ја претставуваше Македонија на Евросонг во Ротердам. За да ја одбележи годишнината, пред неколку дена, Васил објави десет ремикси на песната кои ги направија диџеи од целиот свет.

„Сега тие ја пуштаат Here I Stand во клубовите и дискотеките. Песната почнува да грми на журки“, рече Васил за „Репортер“.

Извор: Репортер.мк

Continue Reading

#ФАЦИ

Андреа со песната „Circles“ ќе ја претставува Македонија на Евровизија 2022

Вечерва беше избран нашиот евровизиски претставник, и победата ја однесе Андреа со песната „Circles“.

Пред камерите се претставија шесте кандидати за кои народот имаше можност да гласа изминативе денови. Кали, Лара, Виктор, Јон, Андреа и Рис Флауер се релативно млади музичари, кои претходно беа избрани на конкурсот кој го распиша МРТ.

„Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“, напиша Андреа на социјалните мрежи.

Избирањето се одвиваше по пат на онлајн гласање, а гласовите од јавноста сочинуваа 50 проценти, додека останатите 50 проценти беа доделени од страна на стручно странско жири.

Continue Reading
Advertisement

Facebook

Facebook

Трендинг

Copyright © Mediaset.mk / 2020

error: