Амбер Херд се пофали со нов спортски успех. Актерката во Шпанија го истрча својот прв полумаратон, а со фотографиите од трката ги покажа и извајаните стомачни мускули во спортско издание.
Четириесетгодишната Херд 21 километар ги истрчала за еден час и 39 минути.
„Прв полумаратон, ескерик аско Донoсти!“, напишала на Инстаграм, заблагодарувајќи му се на Сан Себастијан на баскиски јазик.
За трката избрала спортски градник и велосипедски шорцеви во виолетова боја. На една фотографија позира со медал околу вратот, додека на друга се гледа како трча по мокар пат, а покрај патеката ја бодрат луѓе со чадори.
Плавата коса ја собрала во пунџа, а спортскиот изглед го надополнила со марама со дезен, ѓердани и црн спортски часовник. Околу половината имала виолетова торбичка за трчање.
Ова досега е нејзината најдолга истрчана дистанца. Претходно годинава учествувала на трка на 10 километри во Мадрид. По таа трка покажала и како го прославила успехот. На фотографијата во раце ја држи својата најстара ќерка Унаг, а напишала: „Ништо не може да го надмине ова чувство“.
