Бојан Јовановски, познат како Боки 13, објави дека по српската пејачка Светлана Цеца Ражнатовиќ, на Инстаграм го блокирала и Јелена Карлеуша. Тој преку својот профил сподели порака во која не го крие изненадувањето, но и најавува дека допрва би можело да има интересни случувања.
„Прво ме је блокирала Цеца, а сада и Јеца. Фуууујјј. Оксиморон“, напиша Боки 13 на Инстаграм, алудирајќи на Јелена Карлеуша со прекарот „Јеца“.
Во продолжение тој додаде дека случувањата ги смета за шокантни и одвратни, но истовремено навести дека приказната можеби нема да заврши тука.
„Поред тога што је изузетно шокантно и одвратно ипак... Биће интересантно...“, напиша Јовановски.
Засега не е познато што претходело на наводното блокирање, ниту дали станува збор за конкретен конфликт меѓу Боки 13 и двете српски музички ѕвезди.
Јовановски не откри дополнителни детали, а неговата порака остава простор за шпекулации околу причините за нарушените односи.
