Connect with us

#ФАЦИ

Да останевнте во Белград ќе имавте музеј, тука остана само „циганка“ мајко: Пет години од смртта на Есма

 

Пред пет години по кусо боледување почина кралицата на ромската музика  Есма Реџепова-Теодосиевска. Зад неа остана 55 годишна музичка кариера, традиција, име, музика, настапи… и за жал ограабен дом во Скопје  кој тоне во ѓубре и кој никако да стане музеј. Се што имаа Есма и Сево го поклонија на државта.За разлика од тука, во Брисел по неа е иманеувана и метростаница, а во Швајцарија еден фестивал го носи нејзиното име. Кај нас, за жал, само сеќавања…

„Изминаа пет години откако те нема.Имавте една прекрасна идеја, да оставите нешто што ќе биде поттик за младата генерација, но за жал едни обични луѓе, кои што немаат врска што е уметник, творештво и сл., ги оспоруваат вашите желби. Но,она што е најтрагично е фактот дека и сегашната власт не ја почитува вашата желба.

Можеби ќе беше подобро да останевте во Белград, каде што ве молеа да ви изградат музеј, каде и да посакавте, но ете вашиот патриотизам ве врати во Македонија, од каде и бевте избркани, само поради тоа што пеевте на ромски јазик, и ти беше само една “циганка“ . Трагично е ова што се случува, но јас се уште имам сила да се борам“,  вели Симеон Атанасов, синот на Есма.

Животниот пат на  Есма Реџепова-Теодосиевска

На 11 декември 2016 година на 73 годишна возраст, почина кралицата на ромската музика  Есма Реџепова-Теодосиевска. Зад неа остана  55 годишна кариера со многу успеси. Кога со сопругот Стево се врати во Македонија, по распаѓањето на Југославија, Есма стана вистински музички амбасадор на својата татковина во светот. Родена е како петто дете во семејствто на Чанија и Ибраим Реџепов, во мала сиромашна куќичка во центарот на Скопје.

Таткото Ибраим во април 1941 година на почетокот на Втората светска војна ја изгубил едната нога, но и како таков се трудел со сите сили да ги издржува четирите ќерки и двата сина. Беше уличен чистач на чевли, но бидејќи останал инвалид, некој постојано морал да му помага, да му ја носи кутијата со бои и четки. Покрај останатите браќа и сестри, и малечката Есма станала постојан помошник на татка си. Парите што и таа си ги заработувала всушност ги штедела за да оди во кино кое многу го сакала. Како девојче била многу бунтовна. Најмногу и пречеше што во тоа време ја понижувале со прекарот “Циганката“. Но, таа никогаш не се срамела од ниту една работа. И како деветгодишното девојче чистела и перела во богатите семејства. Од најраната младост се истакнува со прекрасен глас, дар од природата. Песната пополека почнува да и станува се на овој свет.

За Есма набргу слушнал и маестро Стево Теодосиевски. Тој доаѓа во Скопје само за да го убеди таткото на Есма да и дозволи на ќерката да настапува со неговиот ансамбл. Од тогаш во животот на Есма се се менува од корен. Стево и Есма набргу ја освојија целата Југославија со своите оригинални концерти, а потоа и целиот свет. Домот им станал стариот автомобил на Стево Теодосиевски, а немаше еден ден кога не беа по патиштата освојуваќи ја планетата со песната. Во 1960 година се преселуваат да живеат во Белград, главниот град на тогашната заедничка држава во кој ширум им се отвараат вратата на мегапопуларноста. Во Белград останаа се до распадот на Југославија, а потоа по желбата на Стево во 90-тите години се враќааат во Скопје, во кое ја изградија својата куќа на скопското “Кале“(и која по нивната смрт остана во сопственост на државата Македонија).

Со Стево Теодосиевски, Есма стапува во брак во 1968 година. Скопјани и денес се сеќаваат на нивната голема, весела ромска свадба. Есма станала толку многу популарна пејачка, па поради тоа влегла и во протоколот на претседателот на Југославија, Јосип Броз Тито кој инаку многу сакаше да ја слуша да му пее во живо.Пеела и пред голем број Председатели, кралеви, цареви, принцови, а во сеќавање останува и нејзиното искрено пријателство со големата Индира Ганди.

Есма Реџепова објави повеќе од 600 песни, кои се снимени на грамофонски плочи и касети. Имаше над 50 илјади концерти, според некои слободни проценки, и настапуваше во кој знае колку ТВ-емисии. Секако дека најмногу пееше на ромски и македонски јазик, но исто така пееше и на српскохрватски, турски, хебрејски, грчки и хинди јазик. Нејзината најпопуларна (и авторска) песна “Чае шукарие“ која и денес се пее со иста љубов на секаде, стана и официјална химна на сите Роми низ светот.

Да беше жива и сега за своја душа често ќе си ја запееше својата најомилена песна, нејзината интимна химна „Чекај животе“. Но, тажно е што животот не ја чекаше онака како што Есма посакуваше низ песните со кои низ светот ја славеше и се гордееше со својата родна татковина Македонија.

Извор: Репортер.мк

#ФАЦИ

Првпат во животот облеков фармерки откако ослабев 60 килограми: Пејачката Ивона Јо среќна и посветена на музиката 

Пејачката Ивона Јовановиќ ослабе 60 килограми и првпат во животот облече фармерки. Шест месеци по операцијата на желудникот вели дека конечно е задоволна кога ќе се погледне во огледало.

„Веќе ја немам онаа лажна самодоверба. Кога се затворивме во пандемијата, дознав многу работи за себе, на пример дека се прејадував не затоа што сум била гладна, туку за да го скријам стресот. Денес животот ми е сменет, вежбам јога, медитирам, посветена сум на пеењето и настапите и конечно сум вистински среќна“, вели Ивона во интервјуто на „Репортер“.

Се дружевме во Куманово, градот каде што е родена и живее. И додека ни ги откриваше омилените места на нејзиниот град разговаравме за сè. За музиката, настапите во „Ѕвездите на Гранд“, па и онаа болна тема, психичките проблеми кои со години ја мачеле поради дебелината.

„Никој не ме прашуваше како сум. Ме покажуваа со прст и коментираа дека сум дебела. Кога објавив слики на кои носам свилен фустан, луѓето мислеа дека промовирам гојазност. Јас тоа го направив за себе. Разговорите со психолог многу ми помогна да ги надминам проблемите и да сфатам дека имам многу квалитети за кои не бев свесна“, вели Ивона.

Од дете имала проблем со дебелината, Баба ѝ ја учела да носи широка облека за да ѝ го покрива телото. Денес, кога тоа е минато, Ивона вели дека веќе не се лути, ниту на родителите ниту на баба ѝ.

„Им простив, затоа што само така можев да тргнам напред и да ги надминам сите психолошки проблеми“, искрена е пејачката.

Низ сите овие години музиката ја водела напред. Зад неа е и бендот со кој ни покажа како се пее. А, кога е на јога, освен што го затега телото, си ја смирува и душата. Помеѓу музиката и јогата, секогаш наоѓа време за дружење и чаша вино со нејзиниот најдобар пријател, пејачот Марио Арангеловски. Марио го запознала на аудиција за ‘Идол’. Иако не се сакале, денес се најдобри другари.

„Баба му Ратка многу ме сака и сака да ѝ бидам снаа. Марио лаже дека не сме љубители на алкохолот. И двајцата  сакаме да испиеме чаша добро вино“, рече Ивона. Поради алкохол настанал и најсмешниот клип за јутјуб што го снимиле и бидејќи пијани глумеле модно жири, клипот никогаш не го објавиле.

Дали им било непријатно да се бакнуваат пред камери, како еден на друг си биле лоша среќа во „Гранд“, ама и зошто Ивона не ѝ пееше пратечки вокали на Калиопи на Евросонг. Тука се и муабетите за детството , за операцијата што ја чека пред крајот на годината, песната што наскоро ќе ја снима во Белград, како од 5ХЛ стигна до Л и зошто сака да отвори бутик на плус сајз девојки… гледајте го видеото.

Андријана Јовановска

 

Извор: Репортер.мк

Continue Reading

#ФАЦИ

(Видео) Геј пар се венчаше со евровизиската песна на Васил Гарванлиев

Евровизиските фанови Тој и Гој, кои имаат свој Јутјуб канал, биле толку многу воодушевени од песната Here I Stand што Васил Гарванлиев ја пееше лани на Евросонг, што ја избрале како главна песна на нивната свадба. Тие ова го открија во видеото во кое ги споделија своите впечатоци од песната Circles со која Андреа годинава ќе ја претставува Македонија на музичкото натпреварување.

„Се сеќавате ли каква реакција имав лани кога првпат ја слушав песната на Васил? Навивав за него да успее, и знам дека луѓето велат дека песната е малку лигава, ла, ла, ла, но ако ја слушнете само инструменталната верзија на песната, ќе сфатите дека е прекрасна. Прекрасна. Таа беше една од главните песни на нашата венчавка. Васил требаше да пее во финалето. Песната ја гледаме како вистински подарок од Васил за свадбата. И иако не сме го запознале, знаеме дека ќе го обожаваме и кога ќе го сретнеме“, велат Тој и Гој во видеото.

Инаку, песната Here I Stand беше промовирана пред точно една година, а ја претставуваше Македонија на Евросонг во Ротердам. За да ја одбележи годишнината, пред неколку дена, Васил објави десет ремикси на песната кои ги направија диџеи од целиот свет.

„Сега тие ја пуштаат Here I Stand во клубовите и дискотеките. Песната почнува да грми на журки“, рече Васил за „Репортер“.

Извор: Репортер.мк

Continue Reading

#ФАЦИ

Андреа со песната „Circles“ ќе ја претставува Македонија на Евровизија 2022

Вечерва беше избран нашиот евровизиски претставник, и победата ја однесе Андреа со песната „Circles“.

Пред камерите се претставија шесте кандидати за кои народот имаше можност да гласа изминативе денови. Кали, Лара, Виктор, Јон, Андреа и Рис Флауер се релативно млади музичари, кои претходно беа избрани на конкурсот кој го распиша МРТ.

„Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“, напиша Андреа на социјалните мрежи.

Избирањето се одвиваше по пат на онлајн гласање, а гласовите од јавноста сочинуваа 50 проценти, додека останатите 50 проценти беа доделени од страна на стручно странско жири.

Continue Reading
Advertisement

Facebook

Facebook

Трендинг

Copyright © Mediaset.mk / 2020

error: