Јелена Карлеуша го прослави својот 48. роденден во кругот на семејството и најблиските пријатели, но еден од подароците што пристигнал на нејзината адреса привлече особено внимание во јавноста.
На 17 август, во нејзината вила на Дедиње пристигнале бројни букети и подароци, меѓу кои се издвоил нов модел на „Биркин“ чанта од францускиот бренд „Хермес“. Чантата е во коралноцрвена боја, со големина 35, а нејзината вредност се проценува на околу 20.000 евра.
Не е познато кој ѝ го подарил луксузниот моден додаток, но тоа веднаш поттикна шпекулации дека зад подарокот можеби стои нејзиниот поранешен сопруг Душко Тошиќ.
Дополнително внимание предизвика и фактот што Тошиќ бил присутен на роденденската прослава, што повторно ги отвори прашањата за нивниот однос.
Карлеуша е позната како голем љубител на луксузната мода, а во нејзината колекција веќе има повеќе модели на „Хермес“, вклучително и ретки и колекционерски примероци. Доколку новата „Биркин“ навистина е подарок од Тошиќ, станува збор за едно од највредните изненадувања што ги добила пејачката.
