Српскиот јутјубер и инфлуенсер Богдан Илиќ, познат како Бака Прасе, и Милена Стаменковиќ повторно се најдоа во центарот на вниманието, откако фановите забележаа дека повеќе не се следат на социјалната мрежа Инстаграм, а од нивните профили исчезнаа и заедничките фотографии.
Ова веднаш ги поттикна шпекулациите дека познатиот јутјубер и неговата девојка ставиле крај на врската. Сепак, ниту еден од нив досега јавно не потврдил дека раскинале.
Ситуацијата дополнително ја усложни Бака Прасе со своето последно обраќање во живо на „Кик“. Тој најави дека ќе се повлече од интернетот на извесен период, но не откри што точно го натерало на таков чекор.
„Многу работи се насобраа, многу работи се случија, така што време е да заминам. Не засекогаш, немојте да се грижите. Време е да се изгасам и да се исклучам од интернетот, којзнае на колку време“, изјавил тој.
Неговите зборови дополнително ги поттикнаа шпекулациите, па додека едни сметаат дека навистина има проблеми во нивната врска, други се сомневаат дека станува збор за намерно предизвикување внимание или маркетиншки потег.
Бурни реакции се појавија и по нивните сториња на Инстаграм од вчера, каде што тој објави слики дека е сам на свадба кај близок пријател, додека во истиот период таа стави слика од теретана.
