На социјалните мрежи се појави целосна видеоснимка од нападот врз борецот на УФЦ, Мераб Двалишвили, во кој учествувал и дагестанскиот борец Нурмагомедов.
На снимката се гледа како Нурмагомедов му приоѓа одзади на Двалишвили и му удира шлаканица, по што избувнува масовна тепачка. Двалишвили и негов пријател се соочуваат со група од десетина лица, а во метежот неговиот пријател успева да собори двајца од напаѓачите.
Обезбедувањето се обидува да ги раздели учесниците, но не успева веднаш да ја стави ситуацијата под контрола. Објавена е и снимка од интервјуто на Двалишвили, кое било прекинато во моментот кога започнал нападот.
