Disney официјално потврди дека работи на „Zootopia 3“, со што популарната анимирана франшиза добива уште едно продолжение.
Студиото ја потврдило информацијата на настанот D23, а откриено е и дека во третиот филм ќе се вратат ликовите Џуди Хопс и Гери ДеСнејк. Засега, сепак, нема информации дали Џејсон Бејтмен повторно ќе му го позајми гласот на Ник Вајлд.
Гери ДеСнејк беше еден од новите ликови во „Zootopia 2“, каде што е претставен како змија-бегалец која го превртува градот наопаку и ги принудува Џуди и Ник да истражуваат мистерија што ги носи во нови делови од градот.
„Zootopia“ започна во 2016 година и со текот на годините прерасна во една од најпопуларните анимирани франшизи на Disney. Покрај филмовите, светот на „Zootopia“ беше проширен и со серијата „Zootopia+“, која во 2022 година пристигна на Disney+.
Деталите за приказната во „Zootopia 3“ засега се чуваат во тајност, а Disney сè уште нема објавено ниту датум за премиера.
Сепак, крајот на „Zootopia 2“ веќе понуди можен навесток за следното продолжение. Пердув што се појавува покрај прозорецот на Џуди упатува на можноста дека во третиот филм важна улога ќе има нов вид животно – птиците.
