Доколку оваа година летувате на црногорското приморје, односно во Херцег Нови, внимавајте како сте облечени додека се движите надвор од плажите, бидејќи доколку не ги почитувате новите правила, може да бидете казнети и до 1.000 евра.
Општина Херцег Нови и Комуналната инспекција донесоа одлука со која се забранува движење во костими за капење или без дел од облеката на јавни површини, во Стариот град на Херцег Нови, како и по градските улици.
Како што е наведено на таблата поставена во близина на плажата, казните за непочитување на ова правило се движат од 150 до 1.000 евра.
Станува збор за одлука за комунален ред, со која локалните власти сакаат да воспостават поголем ред на јавните површини.
Да потсетиме, слична одлука донесоа и властите на италијанското гратче Варена, на брегот на езерото Комо.
Таму се воведени казни од 50 до 200 евра за посетителите кои низ населбата се движат голи до појас или во костими за капење, како дел од новите мерки насочени кон ублажување на последиците од масовниот туризам и заштита на квалитетот на живот на локалното население.
