Дуа Липа ќе биде една од главните ѕвезди на музичкиот фестивал Коачела во 2027 година, со што ќе стане првата британска соло-изведувачка на која ѝ е доверена оваа улога на познатиот настан.
Фестивалот ќе се одржи во калифорниската пустина во два последователни викенда – од 9 до 11 и од 16 до 18 април 2027 година. Се очекува секој ден да привлече повеќе од 100.000 посетители.
Покрај Дуа Липа, меѓу главните ѕвезди ќе бидат и членовите на групата Тејм Импала, кои ќе настапат во сабота, како и пејачката СЗА, која ќе ја предводи неделната програма.
На фестивалот ќе настапи и Мадона, иако овојпат нема да биде меѓу главните ѕвезди. Таа годинава се појави како изненадувачка гостинка за време на настапот на Сабрина Карпентер, а на Коачела првпат настапила пред 20 години.
На списокот на изведувачи се и шведската пејачка Зара Ларсон, американската кантавторка Фиби Бриџерс, Џису од групата Блекпинк, Келани, рок-групата Визер и други музичари.
Дуа Липа и СЗА веќе имаат искуство како главни ѕвезди на голем музички фестивал. Двете ја предводеа програмата на Гластонбери во 2024 година.
