Појавувањето на Душко Тошиќ на настапот на Јелена Карлеуша повторно ги поттикна гласините дека поранешните сопружници се смириле, но Тошиќ сега јавно појасни дека меѓу нив нема обновување на љубовната врска.
Тој објасни дека на настапот дошол со нивните ќерки од почит кон Карлеуша и поради долгогодишната поврзаност меѓу нив.
„Дојдов на настапот од почит и за да ѝ дадам поддршка на личноста со која поминав значаен дел од животот и со која ме врзуваат заеднички спомени, како и нашите ќерки“, наведе Тошиќ.
Неговото појавување уследи откако неодамна присуствуваше и на роденденот на Карлеуша заедно со нивните ќерки, што дополнително ги поттикна шпекулациите за нивниот однос. Сепак, Карлеуша претходно демантираше дека се повторно заедно, посочувајќи дека се во добри односи поради децата.
Тошиќ во објавата на Инстаграм се осврна и на својот љубовен живот, за кој во последниот период се пишуваше во јавноста. Тој потврди дека повеќе не е во врска со Нора.
„Веќе некое време не сме заедно. Се обидовме, но не успеавме и секој тргна по својот пат“, напиша тој.
Тошиќ додаде дека решил јавно да се огласи поради бројните повици и пораки што ги добил, но нагласи дека нема намера дополнително да го изложува својот приватен живот во јавноста.
