Единаесетгодишниот Чарли Орчард Лајл од Англија направил неверојатно откритие откако на плажа пронашол фосилизиран заб од изумрен вид слон, стар околу 1,8 милиони години.
Според американската телевизија „Фокс њуз“, Чарли го открил фосилот на плажата Ист Лејн во Бодзи, крајбрежно село во близина на Ипсвич, во англиската област Сафолк.
Пронајдениот примерок подоцна бил идентификуван како горен лев катник од видот Anancus arvernensis, изумрен роднина на денешните слонови, меѓу кои и африканскиот слон. Забот е широк околу 10 сантиметри.
„Шетавме по плажата кога забележавме необичен предмет во песокот“, изјавила мајката на момчето, додавајќи дека семејството веднаш сфатило дека станува збор за нешто посебно.
Откритието предизвикало голем интерес кај експертите, бидејќи станува збор за редок фосилен остаток од животно кое живеело пред речиси два милиони години.
