#ТРЕНД

Џеси Џеј ги загуби бебето: Ова е најосаменото чувство на светот

Британската пејачка Џеси Џеј (33) на Инстаграм сподели фотографија на која држи тест за бременост и откри дека го загубила бебето. Во емотивната објава таа раскажа дека неодамна одлучила сама да има бебе, бидејќи цел живот сакала да е мајка. Но, на последниот преглед, лекарите ѝ кажале дека нема срцева акција. Пејачката вели дека сè уште не може да поверува дека го загубила бебето и дека никогаш не се чувствувала толку осамена.

„Одлучив да имам бебе сама. Затоа што тоа е сè што сакав отсекогаш и животот е навистина краток. Да забременам беше чудо само по себе и искуство кое никогаш нема да го заборавам и знам дека ќе го имам повторно. Вчера се смеев со пријател и му велев дека нема да додржам на настапот во Лос Анџелес без да ѝ откријам на публиката дека сум бремена. До вчера попладнето ме мачеше мислата како ќе го издржам настапот без да се распаднам пред нив. Но тогаш го направив мојот трет скен и лекарите ми кажаа дека повеќе нема срцева реакција. Утрово чувствувам дека немам контрола врз моите емоции. Можеби ќе жалам што сум го објавила ова. Можеби нема. Всушност, не знам. Тоа што знам е дека сакам да пеам вечерва. Не затоа што го избегнувам процесот на тагување, туку затоа што знам дека пеењето вечерва ќе ми помогне“, вели Џеси.

Таа додава дека пеењето ќе ѝ помогне да ја залечи тагата и шокот дека го изгубила бебето.

„Имав само две шоуа во текот на овие две години и на мојата душа ѝ е потребно тоа. Знам дека некои луѓе ќе мислат ‘таа треба да го откаже шоуто’. Но, во овој миг јасна ми е само една работа. Кога започнав да пеам тоа ми беше радост, ми ја исполнуваше душата и ми беше терапија за љубов кон себе, тоа не се промени и го процесирам ова на мој начин. Сакам да бидам искрена и вистинска и да не кријам што чувствувам. Го заслужувам тоа. Сакам да бидам тоа што сум колку што е можно во овој миг. Не само за публиката, туку и за мене и за моето мало бебе кое даде сè од себе. Се знам себеси и знам дека ќе зборувам за ова на сцена затоа што таква сум јас. Но, наместо емоционален говор полн солзи ќе се обидам да ја објаснам мојата енергија. Тоа ми изгледа побезбедно. Сè уште сум во шок, а тагата е преголема. Но, знам дека сум силна и знам дека ќе бидам во ред. Исто така знам дека милион жени од целиот свет ја почувствувале оваа болка, па и многу полошо. Се чувствувам поврзано со сите такви меѓу вас кои ги познавам и кои не ги познавам. Тоа е најосаменото чувство на светот“,напиша Џеси.

Пејачката вели и дека решила да има бебе сама поради лошите убовни врски. Таа во октомври се раздели од Макс Фам, со кого беше седум месеци во љубовна врска. Претхдно беше во љубов со американскиот глумец Ченинг Тејтум.

Извор: Репортер.мк

Поврзани тагови:топ

#ТРЕНД

Најмалиот автомобил на светот чини 11.700 евра

„Пил П50“ е „екстремно мал“ автомобил којшто на многумина веројатно им е познат од автомобилската емисија „Топ гир“ на Џереми Кларксон.

Со должина од 137 сантиметри и ширина од 99 цм, овој автомобил е без конкуренција по малите димензии. Замислено како најмалото можно моторизирано возило што може да превезува едно лице и една торба, не доживеа успех на пазарот. Беа произведени само 47 примероци, а се вели дека само 30 останале цели до денес. Има повеќе понуди и верзии на овој „минијатурен“ автомобил, но цената почнува од 10.379 фунти, односно 11.700 евра, нагоре. Тоа, според познавачите, не е малку, но објаснувањето е доста интересно.

Има и Турбо-верзија со помоќен погон од 5,76 киловати што ја зголемува максималната брзина од 50 на 80 км/ч. Тука е и верзијата со бензински мотор со волумен од 49 – 125 кубика.

Оригиналната верзија имаше едноцилиндричен мотор со зафатнина од 50 кубни сантиметри, поврзан со менувач со три брзини, но без рикверц, така што можеше да се сврти наназад само ако излезете од автомобилот, го подигнете задниот дел и го свртите за 180 степени. Според наводите, сите примероци биле наменети за жителите на Островот Мен.

За склопување на вакво возило потребни се основни алатки и не повеќе од 50 часа работа. Ако сакате готов автомобил, цената е значително повисока – 15.700 евра.

#ТРЕНД

На некои места ширум светот, „селфито“ е забрането

Самосликот одамна е популарен начин луѓето да се изразат себеси. Сепак, познати туристички места ширум светот последново десетлетие воведуваат правила против тоа фамозно „селфи“. Следат неколку такви примери.

Без разлика каде ќе се најдете во Њујорк, на пр. забрането е фотографирање со животни, како лавови, тигри и други. Овој закон беше донесен 2014 година, со цел ограничување на „блискоста“ меѓу луѓето и животните, како и спречување повреда или нечија смрт. Иако на многу луѓе им е логично дека не треба да се приближуваат до диви животни, и на другиот брег на САД, за Езерото Тахо во Калифорнија, властите мораа да донесат закон за забрана на сликање со мечки.

Натаму, во Куќата за накит во Лондонската кула во Велика Британија, посетителите може да го разгледаат скапоцениот накит, којшто се наоѓа близу вооружени стражари. Сепак, тие се само за набљудување, бидејќи сликањето не е дозволено на ова место.

Откако неколку луѓе, извршувајќи верски должности во Мека, Саудиска Арабија, притоа објавуваа и фотографии на својот интернет-простор, саудиските власти го забранија сликањето на двете најпознати свети места – Светата џамија во Мека и Џамијата на Пророкот во Медина.

Во 2015 година, „Железничката компанија на Западна Јапонија“ воведе закон со којшто се забранува самослик со држач. Причината е заштита од паѓање на шините и од заплеткување со надземните кабли што може да предизвикаат струен удар за луѓето.

Од 2014 година, и на плажите „Гаропе“ во Франција има забрана за посетителите да прават самослик. Соопштението, според наводите во западни медиуми, гласи дека целта е да се спречат луѓето „да се фалат со својот одмор“ налето. Тука има и полиција којашто би спречила обид за самослик.

Самосликот е забранет и во Памплона, Шпанија, каде што се одржуваат светски познатите трки со бикови, заради спречување повреди и нечија смрт. Казната е исфрлање од трката, 3.000 фунти глоба, па и затвор.

#ТРЕНД

Новата 3-Д печатена просторија на НАСА за подготовки за Марс

Американската Национална воздушно-вселенска администрација – НАСА ја претстави 3-Д печатената просторија од 160 метри квадратни во Тексас, каде што група луѓе ќе ги тестираат и ќе се подготвуваат за „вистинските предизвици“ на идните мисии на Марс.

– Ова е од клучно значење за тестирање решенија кои ги задоволуваат сложените потреби на животот на површината на Марс. Симулациите на Земјата ќе ни помогнат да ги разбереме и одговориме физичките и менталните предизвици со кои ќе се соочат астронаутите, пред тие да заминат, појасни Грејс Даглас, предводничка во научните истражувања на НАСА за напредна технологија за храна.

Затворениот протор се наоѓа во Вселенскиот центар „Џонсон“ во Хјустон, Тексас, САД. Овде, четворица доброволци, членови на екипажот, ќе почнат со подготвки за „Мисија на Марс“, ова лето, преку копнена симулација, помагајќи ѝ така на НАСА да се подготви за истражување со луѓе на Марс.=

Така, првата ваква мисија треба да почне во јуни. За време на симулацијата, четворицата луѓе ќе живеат и работат во 3Д-печатен „ИКОН“ модул што вклучува две бањи, вертикална фарма за зелена салата, соба за медицинска нега, простор за релаксација и неколку работни станици. Доброволците ќе спроведат различни активности типични за една вселенска мисија меѓу кои и симулирани вселенски излегувања или тн. „Марсовски прошетки“ (Marswalks), натаму – роботски операции, одржување на живеалиштето, лична хигиена, телесни вежби и одгледување на културите за исхрана.