Компанијата Форд Мотор ќе плати 365 милиони долари за подмирување на обвиненијата во САД дека ги прекршила федералните тарифни закони, односно обидот да ги избегне увозните давачки.
Одделот за правда соопшти дека спогодбата ги решава наводите дека Форд изработил шема за избегнување повисоки царини со погрешно класифицирање на камионите увезени од Турција помеѓу април 2009 и март 2013 година.
Американскиот производител погрешно ги класифицира своите возила „Транзит конек“, што ја потцени вредноста на стотици илјади автомобили, објави Ројтерс.
Американската влада рече дека оваа одлука претставува една од најголемите царински казни во поновата историја.
