Само неколку дена по смртта на музичката легенда Доли Партон, нејзината ѕвезда на Холивудската патека на славните била оштетена со гребнатини. Веќе започнала и санацијата во Лос Анџелес.
Обожавателите по нејзината смрт оставаа цвеќе, пораки, свеќи и други спомени покрај ѕвездата, но во понеделникот еден од нив забележал оштетувања на името на пејачката.
Портпаролката на Холивудската стопанска комора, Ана Мартинез, потврди дека обожавател пријавил дека ѕвездата била оштетена. Таа додаде дека цвеќето било отстрането за да се изврши поправка, која и претходно била планирана, а првиот дел од работите веќе бил завршен.
Санацијата ја спроведува „Hollywood Historic Trust“, организација задолжена за одржување и поправка на ѕвездите на Холивудската патека на славните. Се очекува ѕвездата повторно да биде подготвена за посетители во петок, откако материјалот ќе се стврдне и ќе биде полиран.
Според тврдењата на обожаватели кои биле на местото, еден од работниците наводно рекол дека некој ја превртел свеќата, а потоа со парчиња скршено стакло ја изгребал ѕвездата.
Доли Партон ја доби својата ѕвезда на Холивудската патека на славните во јуни 1984 година. Таа почина на 25 август по кратка борба со ракот, а беше погребана три дена подоцна на едноставна церемонија, според нејзините желби, покрај сопругот Карл Дин, кој почина во март на 82-годишна возраст.
