Северина привлече внимание со ретро-издание на Сицилија, а најмногу се издвојуваше нејзината луксузна чанта „Хермес Кели“, чија цена достигнува и до 30.000 евра на пазарот за препродажба.
Пејачката (54) моментално престојува во Палермо, од каде што сподели фотографии и видео на Инстаграм. За прошетката низ италијанскиот град избрала поинаков стил од оној со кој публиката е навикната да ја гледа, определувајќи се за романтична комбинација со ретро-детали.
Северина носела црна чипкана блуза и долго здолниште со цветен дезен. Посебно внимание привлекле зелените обувки со отворени прсти и ниска потпетица, кои внеле боја во комбинацијата.
Изгледот го надополнила со црна чанта „Кели“ од луксузната модна куќа „Хермес“. Цената на моделот „Кели 25“ во европските бутици изнесува околу 9.600 евра, додека на пазарот за препродажба некои примероци достигнуваат цена и до 30.000 евра. Стајлингот го заокружила со златен накит.
Покрај фотографиите од улиците на Палермо, пејачката кратко напишала дека на Сицилија се однесува како вистинска Сицилијанка.
Нејзините објави привлекле големо внимание кај следбениците, кои во коментарите го пофалиле нејзиниот изглед. Дел од нив особено ја истакнале модната комбинација, а една следбеничка се присетила и на сопственото патување во Италија.
Иако за настапите често избира впечатливи сценски костими, овојпат Северина покажала поопуштено, но подеднакво елегантно издание за прошетка низ градот.
