Необична интервенција е забележана во местото Бордес д’Енвалира во Андора, каде што итните служби примиле повеќе пријави за автомобил кој излетал од патот и заглавил среде скијачка патека.
На терен било утврдено дека три млади туристки од Тајван буквално ги следеле насоките на GPS-навигацијата и завршиле директно на ски патека, во близина на зададената дестинација.
Жената која го управувала возилото не застанала сè додека автомобилот целосно не се заглавил во длабок снег. Извлекувањето на возилото било исклучително сложено и траело повеќе од три часа, при што биле употребени три метални дигалки.
За среќа, во овој необичен инцидент нема повредени.
Пред да бидат спасени, трите туристки дури и се фотографирале покрај својот изнајмен Мерцедес, кој станал атракција на скијачката патека.
