Фудбалската репрезентација на Франција ќе биде ослабена во осминафиналниот натпревар на Светското првенство против Парагвај, откако играчот од средниот ред Орелиен Чуамени се повреди.
Според француските медиуми, Чуамени заработил повреда на бутниот мускул за време на тренингот и нема да биде во составот за дуелот што се игра во сабота во Филаделфија. Со овој настап тој требаше да го забележи својот 50. натпревар во дресот на националниот тим.
Селекторот Дидие Дешан се очекува неговото место во почетниот состав да му го довери на Ману Коне, кој остави добар впечаток на натпреварите против Ирак и Норвешка.
Добрата вест за Французите е што повредата не е од посериозна природа, па се очекува Чуамени да се врати на теренот за неколку дена и повторно да му биде на располагање на националниот тим доколку Франција избори пласман во следната фаза.
