#ФАЦИ

(Галерија) Анета Молика на свадба ја расплака српската пејачка Слаѓа Алегро

Пејачката Анета Мицевска, позната како Анета Молика, неодамна пееше на свадба во Скопје, заедно со српската пејачка Слаѓа Алегро. Двете дами пееја одделно, ама запеаја и заедно и направија одлична атмосфера. По настапот, Слаѓа на инстаграм-стори откри дека повторно се воодушевила од пеењето на Анета и призна дека се расплакала додека ја слушала како пее.

„На момент, ама само на момент заборавив колку си моќна. После минатата вечер, ми се вратија спомените, уште се сеќавам на вечерта кога се запознавме, кога ни го пееше токму ова и сите занемевме. Јас сега повторно занемев, влегов на вашиот канал на Јутјуб и вчудовидено го слушав секој тон, секој збор. Толку имам да кажам, а сакам сите да слушнат. Оние кои знаат што е музика, а знам дека сѐ уште ги има, иако понекогаш не се чини така, ако сакате да отпатувате негде, да замижите и срцето да ви затрепери, слушнете што има да каже оваа жена“, напиша Слаѓа.

За потсетување, Анета во јавноста важи за една од пејачките со најубав глас во Македонија. Таа долги години пее со групата „Молика“, каде што свири и нејзиниот маж Џими.

Извор: Репортер.мк

Поврзани тагови:

#ФАЦИ

Ареа ќе одржи акустичен концерт во Битола на 7. октомври

Ареа ќе одржи акустичен концерт во Битола, на 7. октомври. „Предходната година го издадовме новиот албум „Љубов е“ и до сега имавме повеќе, концертни настапи во повеќето места во Македонија меѓу кои и во Битола. Овој пат решивме тоа да биде акустичен концерт, каде во една поинаква и поинтимна атмосфера публиката ќе може да ужива во нашите песни.

Концертот под наслов „Area Unplugged“ ќе се случи за прв пат на сцената во Центарот за култура во Битола, со почеток во 20 часот,“ информираат од Ареа.

#ФАЦИ

Песни од Тоше, Гоце Арнаудов, Влатко, Есма, Драган Вучиќ на канцерот „Легендите живеат вечно“

Под мотото „Легендите живеат вечно“, на 28-ми октомври во „Македонска филхармонија“ ќе се одржи концерт во чест на оние кои прерано си заминаа, со цел да им се одаде почит за се она што го оставија зад себе. Ја испишаа музичката историја, а можеа уште толку многу.

Ќе се пеат песните на Тоше Проески, Влатко Илиевски, Есма Реџепова, Гоце Арнаудов, Зафир Хаџиманов, Драган Вучиќ како и многу други. Картите за овој настан се веќе пуштени во продажба и истите ќе имате можност да ги купите преку продажната мрежа на www.kupikarta.com, Розе Веро 2 и ЈК Травел во Бисер.

#ФАЦИ

Архитектот Лука, нова љубов на Тамара

Поп-пејачката Тамара Тодевска има нова љубов. Таа веќе неколку пати сподели фотографии, а станува збор за Лука Радовиќ, архитект и дизајнер од Скопје. Дека има нова љубов веќе наголемо се зборува и низ чаршијата.

Тамара неодамна се разведе од својот сопруг Александра, со кого беше 7 години во брак. Тие имаат две деца, Дарен и Хана. И покрај разделбата со Мачка не е тајна дека тие се во коректни односи, заради децата, а заедно ги прославуваат и родендените на децата, и неодамна објавија заеднички фотографии.