Најтрофејниот тенисер во историјата, Новак Ѓоковиќ, слободните денови пред продолжението на сезоната ги користи за одмор на црногорското приморје, а синоќа ги изненади посетителите на концертот на Владо Георгиев во Херцег Нови.
Српскиот тенисер се појави меѓу публиката и во текот на целата вечер уживаше во атмосферата, пеејќи и танцувајќи на хитовите на популарниот пејач.
Кулминацијата на вечерта следуваше кога Ѓоковиќ се искачи на сцената, го зема микрофонот и заедно со Владо Георгиев и Игор Лазиќ – Нигор ја отпеа познатата песна „Тропски бар“.
Снимките од настапот за кратко време се проширија на социјалните мрежи и предизвикаа бројни позитивни реакции, а многумина коментираа дека е убаво да се види тенискиот ас како опуштено ужива во заслужениот одмор.
По кратката пауза, Ѓоковиќ ќе ги започне подготовките за Мастерс турнирот во Синсинати, кој традиционално претставува генерална проба пред последниот гренд слем во сезоната – УС Опен.
На претстојниот УС Опен, покрај настапот во сингл конкуренција, Ѓоковиќ ќе игра и во мешани двојки, каде партнерка ќе му биде светската тениска ѕвезда Арина Сабаленка.
