Google овој викенд на Play Store додаде нова системска апликација наречена Android Pulse, која ги збуни корисниците на Android.
И покрај името, апликацијата нема никаква врска со мерење на пулсот. Станува збор за официјален Google системски сервис кој работи во позадина и го следи однесувањето на Android системот и инсталираните апликации.
Android Pulse е наменет за откривање невообичаена потрошувачка на системски ресурси, како нагло оптоварување на процесорот, проблеми со меморијата и невообичаено брзо празнење на батеријата.
Апликацијата нема класичен интерфејс и корисникот не треба рачно да ја користи. Таа функционира автоматски во позадина.
Интересно е што сервисот веќе извесно време постои во поновите верзии на Android, но Google сега овозможи да се ажурира одделно преку Play Store. Токму поради тоа многу корисници првпат го забележале меѓу достапните ажурирања.
