Според најновите неофицијални информации, iPhone 18 Pro Max би можел да добие најголема батерија досега вградена во iPhone што не е на преклопување.
Новите протечени податоци откриваат дека Apple подготвува значително зголемување на капацитетот на батеријата во споредба со актуелниот iPhone 17 Pro Max. Доколку овие информации се покажат како точни, новиот модел би имал батерија поголема и од онаа во Samsung Galaxy S26 Ultra, која има капацитет од 5.000 mAh.
За споредба, iPhone 17 Pro Max со физичка SIM-картичка располага со батерија од 4.823 mAh, додека верзијата со eSIM има 5.088 mAh. Според гласините, iPhone 18 Pro Max ќе добие дополнителни 412 mAh во однос на моделот со физичка SIM, односно 337 mAh повеќе од верзијата со eSIM.
Иако Apple сè уште не ги потврдил овие информации, доколку се остварат, тоа би претставувало едно од најголемите подобрувања на автономијата кај iPhone во последните години.
