На Ламин Јамал му беа потребни само десет минути за да се запише меѓу стрелците на својот прв натпревар на Светско првенство.
Фудбалерот на ФК Барселона не настапи на првиот натпревар, но веќе во вториот покажа колку е опасен пред противничкиот гол.
Покрај тоа што ја доведе Шпанија во водство и го постигна својот прв погодок на мундијалските натпревари, Јамал се искачи високо и на листата на најмлади стрелци во историјата на Светските првенства.
Со 18 години и 343 дена, Јамал сега е осмиот најмлад голгетер во историјата на Мундијалите.
Пред него се само легендарниот Пеле, кој својот прв погодок го постигнал на 17 години и 239 дена, Мексиканецот Мануел Росас, неговиот клупски и репрезентативен колега Гави, како и Мајкл Овен, Николае Ковач и Дмитриј Сичов.
Јамал веќе го држи рекордот како најмлад стрелец во историјата на Европските првенства. Тој имаше само 16 години и 362 дена кога постигна гол на континенталниот шампионат пред две години.
