Настапот на Јелена Карлеуша во Блаце бил накратко прекинат откако пејачката дознала дека во големата гужва се изгубило седумгодишно девојче.
Карлеуша веднаш ја прекинала музиката и побарала од публиката да помогне во потрагата по детето, кое ја барало својата мајка.
„Само момент, имаме една важна информација. Во оваа огромна маса се изгубило едно девојче. Има 7 години, ја бара својата мајка. Ако некој ја види, нека јави, огромна гужва е“, им се обратила пејачката на присутните.
По кратко време пристигнала добрата вест – девојчето било пронајдено. Откако се уверила дека детето е безбедно, Карлеуша го продолжила концертот.
Пејачката настапила во Блаце во рамките на манифестацијата „Денови на сливи“, пред голем број посетители. Публиката ги пеела нејзините песни заедно со неа, а атмосферата продолжила до крајот на настапот.
