Јелена Карлеуша сака да ја претставува Србија на Евровизија, откри пејачката на средбата со новинарите во Скопје, каде што го најави концертот закажан за 17 октомври во арената „Јане Сандански“.
„Би сакала да ја претставувам Србија на Евровизија, зошто да не“, изјави Карлеуша, откривајќи дека веќе има подготвено неколку песни што би можеле да бидат дел од ова музичко натпреварување.
Пејачката најави и музички изненадувања за публиката во Скопје, меѓу кои и специјален гостин од Србија со кого ќе изведе неколку дуети, но неговиот идентитет го задржа во тајност.
„Имаме гостин од Србија, со кој ќе испееме неколку дуети, но ќе видите на 17 октомври кој ќе биде тој“, рече Карлеуша.
Концертот е најавен како големо музичко шоу со сценска продукција, костими и изненадувања. Настапот ќе се одржи на 17 октомври, со почеток во 19 часот, во арената „Јане Сандански“ во Скопје, а организатор е „Евент груп“.
