Американскиот рапер и музички продуцент Канје Вест и неговата поранешна лична асистентка Лорен Пишота постигнале судска спогодба во случајот што таа го покрена против него поради наводно сексуално вознемирување.
Според судските документи доставени до судот во Лос Анџелес, спогодбата била постигната на 23 јули, а барањето за повлекување на тужбата треба да биде поднесено во рок од 45 дена. Во документите се наведува дека договорот е „безусловен“.
Пишота го тужеше Вест во 2024 година, тврдејќи дека била отпуштена откако тој ѝ испраќал сексуално експлицитни пораки и видеоснимки.
Во тужбата таа наведе и дека раперот се самозадоволувал во нејзино присуство за време на престој во хотел, по што продолжил да ѝ испраќа вулгарни пораки и видеа.
Дополнително, Пишота тврдеше дека Вест ја принудувал да консумира наркотични супстанции за време на сесија во музичко студио.
Засега не се објавени деталите од постигнатата спогодба, ниту дали некоја од страните признала одговорност.
