Јелена Карлеуша се огласи на социјалните мрежи и одговори на низа прашања што, како што вели, често ги добива од женската публика. Пејачката откри детали за својот изглед, шминката, негата, исхраната и физичкиот изглед, но се осврна и на прашањето кое најмногу ѝ го поставуваат – кога ќе излезе нејзината нова песна.
Карлеуша напиша дека работи на нова песна, но дека не сака да брза бидејќи е перфекционист. Потоа одговори на најчестите прашања поврзани со нејзиниот изглед.
Таа откри дека отсекогаш сама се шминка и користи козметика од „MAC“, а тврди и дека нема направено пластична операција на лицето ниту користи ботокс. Според неа, пред 15 години ги зголемила градите, а во истиот период ставила привремен филер во горната усна, што, како што напиша, било неуспешно искуство.
За изгледот на носот, Карлеуша вели дека користи техника на сенчење, додека за нејзиниот препознатлив изглед најзаслужни се контурирањето и осветлувањето при шминкањето.
Пејачката открива и дека за нејзината коса со години се грижи фризерката Љубица, која, според неа, знае да ја постигне посакуваната бела боја без да ја оштети косата. Таа додава дека никогаш не била кај козметичар и дека сама се грижи за кожата на лицето, користејќи крема „La Mer“.
Карлеуша смета дека за добриот тен заслужна е и нејзината исхрана. Како што наведува, не јаде чоколадо, не пие кафе и не пуши цигари.
Во објавата таа се пошегува и со коментарите дека во живо изгледа подобро без шминка, велејќи дека повеќе сака да експериментира со изгледот и да биде „поинаква“, отколку само убава.
Во продолжение, Карлеуша се осврна и на целулитот, стриите и изгледот на телото, а откри и дека не вежба редовно, бидејќи, како што вели, не сака вежбање.
На крајот, таа порача дека стилот е нешто со кое човек се раѓа и се пошегува дека оние што немаат стил можат да се инспирираат од неа.
