Јелена Карлеуша повторно привлече внимание со изјавите за односот со поранешниот сопруг Душко Тошиќ, но и со гласините кои ја поврзуваат со 24 години помладиот манекен Александар Шево.
Гостувајќи во подкаст, пејачката зборуваше за односот со Тошиќ по разводот и посочи дека нивните две ќерки засекогаш ќе бидат нивната заедничка врска.
„Душко и јас имавме брак, повеќе не сме заедно, но нашите две деца се она што ќе нè врзува засекогаш. Сепак, верувај ми, кога би сакала, со Душко можам да се смирам за една минута. Кога би се потрудила, би биле заедно, но јас тоа не го сакам“, изјави Карлеуша.
Таа додаде дека од досегашните врски излегувала со чиста совест и дека кон секој партнер била „ангел“, доколку тој прв не згрешил кон неа.
Во меѓувреме, Карлеуша отпатувала за Милано со своите ќерки по повод почетокот на студиите на нејзината постара ќерка Атина. Во нивно друштво повторно бил и манекенот Александар Шево, што дополнително ги подгреа гласините за нивната блискост.
Карлеуша досега не ја потврди природата на односот со Шево.
