Кавадарци и годинава ќе биде домаќин на традиционалната манифестација „Тиквешки гроздобер“, која ќе се одржи на 4, 5 и 6 септември.
Градоначалникот на Кавадарци, Митко Јанчев, со видео на социјалните мрежи ја најави манифестацијата, посветена на лозарството, виното и традицијата на Тиквешкиот крај.
„Таму каде што лозјата се дел од секојдневието, виното е традиција, а гроздоберот празник“, наведува Јанчев во објавата, истакнувајќи ја препознатливата атмосфера и духот на Тиквешието.
„Тиквешки гроздобер 2026“ и годинава ќе понуди можност посетителите да ја почувствуваат традицијата и културата на регионот, каде што лозарството и производството на вино имаат посебно значење.
Манифестацијата ќе се одржи во Кавадарци од 4 до 6 септември.
