Шпанија се смета за една од најпопуларните туристички дестинации, особено во лето. Но неодамна изненади со одредени „закони“, а еден од нив важи и за туристите кои сакаат да се релаксираат на плажа.
Имено, градот Виго на северозападниот брег на Шпанија, се наоѓа на само 35 километри од Португалија и затоа е прифатлива дестинација за одмор за многумина во оваа земја. Сепак, тој сега воведе правила кои можеби нема да им се допаднат на оние кои планирале да го посетат.
Градскиот совет на Виго донесе закон со кој се забранува уринирање во море или на плажа, за што следува парична казна од 750 евра за секој кој ќе биде фатен на тоа.
Според новите правила, тие го прогласија јавното уринирање на плажите за „прекршување на хигиенските и санитарните прописи“, а иако не објаснија како имаат намера да ги следат капачите и туристите на локалните плажи, тие посочија дека ќе постават јавни тоалети како уште една мерка за борба против овој проблем.
Но, тоа не е единственото нешто што туристите нема да имаат можност да го прават на плажите. Со истиот потег, советот на Виго забрани употреба на сапун и шампон во морето, како и миење садови во морска вода.
![](https://sp-ao.shortpixel.ai/client/to_auto,q_glossy,ret_img/https://mediaset.mk/wp-content/uploads/2022/06/moravme-da-go-odbieme-francuskiot-predlog-veli-osmani.png)
![](https://sp-ao.shortpixel.ai/client/to_auto,q_glossy,ret_img/https://mediaset.mk/wp-content/uploads/2021/08/logo.png)