Тринаесетгодишната Норт Вест, ќерката на Ким Кардашијан и Канје Вест, направи уште еден значаен чекор во својата музичка кариера – го одржа својот прв самостоен концерт пред полна сала во чикашкиот театар „Вик“.
Меѓу публиката беа и нејзините родители, кои и покрај тоа што повеќе не се заедно, дошле да ја поддржат ќерката. Ким настапот го следела од еден дел од салата и ја снимала Норт, додека Канје концертот го гледал од друг сектор.
Самостојниот концерт доаѓа по година во која Норт направи неколку чекори кон посериозно занимавање со музика. Во мај го објави својот прв ЕП „N0rth4evr“, а претходно настапуваше и со својот татко на големи фестивали.
За Норт ова не е прво искуство на сцена. Таа учествувала и во театарски проекти, меѓу кои и во улогата на младиот Симба на јубилеен концерт на „Кралот лав“ во Холивуд Боул.
Сепак, нејзиниот музички ангажман предизвика и загриженост кај дел од јавноста. По концертот, некои корисници на социјалните мрежи се прашуваа дали 13-годишната Норт има премногу обврски за својата возраст.
Причина за тоа беше и нејзина неодамнешна изјава за „Дејзд“, во која откри дека на 14 години би сакала да работи во „Старбакс“, бидејќи сака да почувствува како изгледа „обична работа“.
Дел од коментарите беа со порака Норт да има повеќе време да биде дете и сама да одлучи кога е подготвена за поголема музичка кариера.
Сепак, самата Норт во повеќе наврати јасно ставила до знаење дека музиката не ја доживува само како активност поврзана со нејзиното семејство.
„Ова е мое хоби, тоа е она што сакам да го правам и што сакам да го правам во животот“, изјавила таа за „Дејзд“.
Поддршка добива и од нејзината мајка. Ким Кардашијан претходно изјавила дека Норт сака да создава музика и дека не се плаши дали таа ќе им се допадне на другите.
Кардашијан ја споредила со нејзиниот татко, истакнувајќи дека ако нешто ѝ се допаѓа на Норт, тоа ѝ е доволно и дека не се грижи премногу за мислењето на другите.
