Декември, јануари и февруари традиционално се резервирани за уживање во снегот. Според статистичките податоци, во Европа има одредени градови каде снежната идила трае уште подолго, а има изненадувачки многу снег. Најснежните градови обично се оние лоцирани во близина на високи планински масиви или на многу високи географски широчини каде што зимите се екстремно студени.
Еве неколку примери на градови кои се познати по обилните снежни врнежи:
Талин, Естонија
На прво место на листата на градови со најмногу снег е Талин, со богати 20,5 снежни денови во декември. Градот е на листата на културно наследство на УНЕСКО како еден од најдобро зачуваните средновековни градови во Европа, а престојот во него во зима е нешто многу посебно.
Вилнус, Литванија
На второ место е Вилнус со 18,5 снежни денови месечно. Главниот град на Литванија е најпознат по својата барокна архитектура и исто така е на листата на светско наследство на УНЕСКО.
Ерфурт, Германија
Ерфурт е на трето место со 17,5 снежни денови месечно. Во него живеат околу 200.000 жители, а целиот град е како од бајка. Сите куќи се изградени во ист стил, што дополнително го зголемува шармот на овој мал град.
Турку, Финска
Турку е најстариот град во земјата, се наоѓа на југозападниот брег, а го красат бројни замоци кои датираат од 13 век. Таа е на четвртото место со 17 снежни денови месечно.
Хелсинки, Финска
На петто место е главниот град на Финска со 16,5 снежни денови месечно. Хелсинки е познат како местото каде Дедо Мраз се чувствува како дома, град кој привлекува туристи со својата архитектонска убавина, бројните музеи, изложби и фестивали.
