Connect with us

#ФАЦИ

Лара Иванова: Бев спремна да накиснам на дождот, само за да ги отпеам моите песни на концертот кај Владо

Пејачката Лара Иванова (17) за кратко време стана една од миленичките на тинејџерската публика. Нејзините песни постојано се вртат на радијата, а таа со месеци е на врвот на топ-листите. Неодамна пееше и на „Макфест“ и ја освои наградата за интерпретација за песната „Душа“. Но, во јавноста веднаш тргнаа коментарите дека Лара требаше да победи. Изненадена е од успехот што го постигна за неполни две години. Вели, уште од дете по цели денови пеела, а најмногу од сè сакала да сними барем една своја песна.

„Сега детскиот сон ми е реалност. Не можев ни да замислам дека моите песни ќе се пуштаат толку многу на радијата, а публиката ќе ги сака. Јас првпат пеев на Суперѕвезда и сега кога ќе си го вратам тоа време во мислите, мило ми е што не се откажав од сонот“, вели Лара во разговорот за „Репортер“.

Публиката за песните на Лара вели дека се вистинско освежување. А тоа го мислат и нејзините колеги, кои често се снимаат додека ги пеат, па ги објавуваат видеата на социјалните мрежи. Лара е пресреќна поради поддршката што ја добива од сите нив. Но, вели дека вечно ќе им биде благодарна на Тамара Тодевска и на Владо Јаневски, кои летово ѝ дадоа шанса да пее на нивните концерти како специјална гостинка.

„Со Тамара пеев на нејзиниот концерт на Антички во Охрид. Чувството кога првпат излегов пред публиката на толку голема сцена беше неверојатно. Пред концертот не се видовме со Тамара, но таа ми прати порака да ми посака среќа. На концертот на Владо, пак, цела вечер врнеше, ама јас бев спремна ако треба и да накиснам, само да ги испеам моите песни. Дождот донесе посебна емоција во начинот на кој пеев. А потоа излезе Владо и со неговите романтични песни направи посебна атмосфера“, ни откри Лара.

Преку разговорот Лара ни раскажа дека балетот ѝ е еднакво голема љубов како и музиката. Сега е трета година во средното балетско училиште, а веќе настапила во неколку балетски претстави од репертоарот на НОБ. Не крие ни дека понесена од музиката таа самата ги смислила движењата што ги прави во спотот за песната „Кој е сега крив“ на самото место додека го снимале видеото.

„Така е многу полесно, да играш модерен балет кога те води емоцијата. Сè што е поврзано со уметноста ми лежи – пеењето, играњето, глумата. Настапив и во два детски мјузикла и во двата имав главна улога“, ни рече таа и додаде дека во текот на годините најголемата поддршка за сè што прави ја има од родителите, но и од дечкото, кој исто така се занимава со музика.

Иако е кратко на сцената со Лара, има многу интересни муабети. Од песните што ги пее на англиски и се хит во Русија до дружбите на „Макфест“ и зошто на фестивалите секогаш пее балади. Но, и за дечкото виолинист како преку ноќ стана миленик на публиката, која не ја препознава како лик, туку по хитовите што ги слушаат на радио, ама и за тоа како си поминала со Тамара во Охрид, гледајте го видеото.

Андријана Јовановска

 

Извор: Репортер.мк

#ФАЦИ

Првпат во животот облеков фармерки откако ослабев 60 килограми: Пејачката Ивона Јо среќна и посветена на музиката 

Пејачката Ивона Јовановиќ ослабе 60 килограми и првпат во животот облече фармерки. Шест месеци по операцијата на желудникот вели дека конечно е задоволна кога ќе се погледне во огледало.

„Веќе ја немам онаа лажна самодоверба. Кога се затворивме во пандемијата, дознав многу работи за себе, на пример дека се прејадував не затоа што сум била гладна, туку за да го скријам стресот. Денес животот ми е сменет, вежбам јога, медитирам, посветена сум на пеењето и настапите и конечно сум вистински среќна“, вели Ивона во интервјуто на „Репортер“.

Се дружевме во Куманово, градот каде што е родена и живее. И додека ни ги откриваше омилените места на нејзиниот град разговаравме за сè. За музиката, настапите во „Ѕвездите на Гранд“, па и онаа болна тема, психичките проблеми кои со години ја мачеле поради дебелината.

„Никој не ме прашуваше како сум. Ме покажуваа со прст и коментираа дека сум дебела. Кога објавив слики на кои носам свилен фустан, луѓето мислеа дека промовирам гојазност. Јас тоа го направив за себе. Разговорите со психолог многу ми помогна да ги надминам проблемите и да сфатам дека имам многу квалитети за кои не бев свесна“, вели Ивона.

Од дете имала проблем со дебелината, Баба ѝ ја учела да носи широка облека за да ѝ го покрива телото. Денес, кога тоа е минато, Ивона вели дека веќе не се лути, ниту на родителите ниту на баба ѝ.

„Им простив, затоа што само така можев да тргнам напред и да ги надминам сите психолошки проблеми“, искрена е пејачката.

Низ сите овие години музиката ја водела напред. Зад неа е и бендот со кој ни покажа како се пее. А, кога е на јога, освен што го затега телото, си ја смирува и душата. Помеѓу музиката и јогата, секогаш наоѓа време за дружење и чаша вино со нејзиниот најдобар пријател, пејачот Марио Арангеловски. Марио го запознала на аудиција за ‘Идол’. Иако не се сакале, денес се најдобри другари.

„Баба му Ратка многу ме сака и сака да ѝ бидам снаа. Марио лаже дека не сме љубители на алкохолот. И двајцата  сакаме да испиеме чаша добро вино“, рече Ивона. Поради алкохол настанал и најсмешниот клип за јутјуб што го снимиле и бидејќи пијани глумеле модно жири, клипот никогаш не го објавиле.

Дали им било непријатно да се бакнуваат пред камери, како еден на друг си биле лоша среќа во „Гранд“, ама и зошто Ивона не ѝ пееше пратечки вокали на Калиопи на Евросонг. Тука се и муабетите за детството , за операцијата што ја чека пред крајот на годината, песната што наскоро ќе ја снима во Белград, како од 5ХЛ стигна до Л и зошто сака да отвори бутик на плус сајз девојки… гледајте го видеото.

Андријана Јовановска

 

Извор: Репортер.мк

Continue Reading

#ФАЦИ

(Видео) Геј пар се венчаше со евровизиската песна на Васил Гарванлиев

Евровизиските фанови Тој и Гој, кои имаат свој Јутјуб канал, биле толку многу воодушевени од песната Here I Stand што Васил Гарванлиев ја пееше лани на Евросонг, што ја избрале како главна песна на нивната свадба. Тие ова го открија во видеото во кое ги споделија своите впечатоци од песната Circles со која Андреа годинава ќе ја претставува Македонија на музичкото натпреварување.

„Се сеќавате ли каква реакција имав лани кога првпат ја слушав песната на Васил? Навивав за него да успее, и знам дека луѓето велат дека песната е малку лигава, ла, ла, ла, но ако ја слушнете само инструменталната верзија на песната, ќе сфатите дека е прекрасна. Прекрасна. Таа беше една од главните песни на нашата венчавка. Васил требаше да пее во финалето. Песната ја гледаме како вистински подарок од Васил за свадбата. И иако не сме го запознале, знаеме дека ќе го обожаваме и кога ќе го сретнеме“, велат Тој и Гој во видеото.

Инаку, песната Here I Stand беше промовирана пред точно една година, а ја претставуваше Македонија на Евросонг во Ротердам. За да ја одбележи годишнината, пред неколку дена, Васил објави десет ремикси на песната кои ги направија диџеи од целиот свет.

„Сега тие ја пуштаат Here I Stand во клубовите и дискотеките. Песната почнува да грми на журки“, рече Васил за „Репортер“.

Извор: Репортер.мк

Continue Reading

#ФАЦИ

Андреа со песната „Circles“ ќе ја претставува Македонија на Евровизија 2022

Вечерва беше избран нашиот евровизиски претставник, и победата ја однесе Андреа со песната „Circles“.

Пред камерите се претставија шесте кандидати за кои народот имаше можност да гласа изминативе денови. Кали, Лара, Виктор, Јон, Андреа и Рис Флауер се релативно млади музичари, кои претходно беа избрани на конкурсот кој го распиша МРТ.

„Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“, напиша Андреа на социјалните мрежи.

Избирањето се одвиваше по пат на онлајн гласање, а гласовите од јавноста сочинуваа 50 проценти, додека останатите 50 проценти беа доделени од страна на стручно странско жири.

Continue Reading
Advertisement

Facebook

Facebook

Трендинг

Copyright © Mediaset.mk / 2020

error: