Нова истрага што ја покрена Комисијата за меѓународна трговија на САД (USITC) поради повреда на патенти за просторен звук (spatial audio) би можела да доведе до забрана на уреди на Apple, Samsung и Google во САД.
BoomCloud 360 е релативно мала аудио-компанија со седиште во Калифорнија, која е фокусирана на софтвер за оптимизација на звукот во облак за филмови, игри и музика. Таа исто така поседува вредни патенти во областа на просторниот звук, кои се предмет на тековната истрага.
Оригиналната тужба е поднесена уште во август и опфаќа три патентни спорови за кои BoomCloud 360 тврди дека уредите на компаниите Apple, Samsung и Google ги повредуваат.
Патентите се поврзани со обработката на просторниот звук, а BoomCloud 360 бара Ограничена наредба за исклучување (Limited Exclusion Order), која би ги опфатила сите спорни производи, како и наредба за прекин и воздржување од понатамошни повреди.
Засега нема детали за тоа кои точно производи на овие три технолошки гиганти ги повредуваат патентите на BoomCloud 360.
Apple, Samsung и Google веќе поднеле тужби за утврдување дека нема повреда на патентите против тужителот, па останува да се види како понатаму ќе се одвива случајот.
