По 31 ден отсуство од јавноста, првата дама на САД, Меланија Трамп, повторно се појави во Белата куќа, а нејзиното враќање веднаш привлече внимание – особено поради необичниот детаљ на нејзината облека.
Меланија (56) му се придружи на претседателот Доналд Трамп на настан посветен на проширувањето на нејзината иницијатива за унапредување на системот за згрижување деца во САД.
Последен пат таа беше видена во јавноста на 19 јули, кога присуствуваше на финалето на Светското првенство во фудбал. Овојпат се појави во впечатлива комбинација – сина кошула со подигната јака, црвено миди-здолниште и црвени салонки.
Сепак, најмногу внимание привлече еден детал на кошулата. На манжетните се наоѓале претседателски печати, а нејзиниот долгогодишен стилист Ерве Пјер потврдил дека станува збор за намерно осмислен дел од дизајнот.
Нејзиното издание предизвика поделени реакции на социјалните мрежи. Додека едни ја пофалија Меланија за стилот и вниманието посветено на деталите, други го оценија изгледот како несоодветен и прескап.
„Вниманието на Меланија кон секој детал го прави нејзиниот стил култен“, напишал еден корисник, додека друг го пофалил стилистот со зборовите дека „никогаш не греши“ кога станува збор за нејзиниот изглед.
Имало и критики поради цената на гардеробата. Еден корисник коментирал дека јавноста се воодушевува од облека вредна повеќе од 6.000 долари, додека многу семејства се борат да обезбедат здравствено осигурување, храна и гориво.
Меланија овојпат сама се осврна и на своето долго отсуство. На почетокот на настанот кратко им се обрати на присутните:
„Слушам дека ви недостигав. Еве ме.“
