Медиасет.мк logo
Промени тема
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK
Патувања

Морето во Шпанија собори рекорди: Измерени над 33 степени

Медиасет.мк
пред 2 месеци
media-libraryjldhhh6vv1h16Dk773V
Photo by Krists Luhaers on Unsplash

Температурите на морето во Шпанија ова лето достигнаа рекордни вредности, при што повеќе мерни станици во Средоземното Море и долж атлантскиот брег регистрирале највисоки температури досега, соопшти шпанската државна поморска управа.

Мерната бова Драгонера на Балеарските Острови на 5 август измерила 33,02 степени Целзиусови, што е највисока температура досега регистрирана во мрежата на бови на оваа управа.

„Речиси сите бови во басенот Леванте-Балеари на Средоземното Море во текот на летото регистрираа локални температурни рекорди“, соопшти управата.

Рекордно високи температури се измерени и кај брегот на Тарагона и Барселона, на североистокот на Шпанија. На 9 август таму биле измерени 30,7 и 30,5 степени Целзиусови.

Рекорди се регистрирани и на неколку места во Бискајскиот Залив, во северниот дел на земјата. Така, бова во близина на градот Пасаја на 23 јуни измерила 28,4 степени.

Научниците минатиот месец предупредија дека климатските промени, предизвикани од човечките активности, се главната причина за неодамнешните рекордни температури на морето во Европа. Според нив, затоплувањето може да има сериозни последици врз морските екосистеми и заедниците што живеат долж крајбрежјето.

Шпанија годинава се соочи и со екстремни температури на копното. Според податоците на метеоролошката служба АЕМЕТ, на копнениот дел од земјата и на Балеарските Острови биле регистрирани вкупно 61 ден со топлотен бран, што е нов рекорд и значително повеќе од претходниот максимум од 41 ден, регистриран во 2022 година.

Сподели

Сподели
Сподели
Сподели
Сподели
Сподели
Сподели
Сподели како слика
Google Постави го Медиасет за твој Google извор

Поврзани содржини

media-library1fknttti348h55GAXMJ

Божиќна магија низ Европа: Градови и плоштади што ќе блеснат во 2026 година

Патувања | пред 5 дена

media-librarytdufiimns1gh2IF4u6t

Сараево и Дубровник меѓу десетте најпосакувани европски градови за патување

Патувања | пред 5 дена

media-libraryd1ssf900d8r6dpQadFk

United Airlines забранува резервации на авионски билети преку ВИ-агенти

Патувања | пред 1 седмица

media-libraryflied4nfjmu68Ot24Gg

Оваа европска земја ќе ги пресметува казните за секој километар пречекорување на брзината

Патувања | пред 1 седмица

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања