По четири години пауза, најголемиот турнир во „League of Legends“ повторно се враќа во САД. Светското првенство „Worlds 2026“ ќе се одржи од 15 октомври до 14 ноември, кога најдобрите професионални екипи од целиот свет ќе се борат за најпрестижниот трофеј во еспортот.
Овогодишното издание ќе се одржи во Тексас и Њујорк. Плеј-ин фазата, „Swiss“ фазата и плеј-офот ќе се играат во градот Ален, во Тексас, додека големото финале е предвидено во Њујорк. Точните локации за одделните фази дополнително ќе бидат објавени.
Последното „Worlds“ во САД се одржа во 2022 година, а турнирот тогаш се играше во Мексико Сити, Њујорк, Торонто и Сан Франциско. Шампион беше DRX, кој во големото финале го совлада T1 со 3:2.
Најуспешна екипа во историјата на „Worlds“ е T1 со шест титули. И кај играчите рекордот го држи легендарниот Факер, кој исто така има шест освоени светски титули.
Останува да се види дали T1 ќе успее да ја продолжи доминацијата и да стигне до четвртиот трофеј по ред.
