Српскиот тенисер Новак Ѓоковиќ повторно покажа дека ги следи коментарите од своите навивачи на социјалните мрежи, а еден од нив особено привлече внимание.
На видео на кое Ѓоковиќ игра кошарка, еден навивач му напишал: „Дојди во Црвена звезда, брате“, на што тенисерот одговорил: „Хахаха, подготвен сум, брате!“.
Одговорот на Ѓоковиќ брзо собра голем број реакции и допаѓања од навивачите, кои го сфатија како симпатична шега и уште една потврда дека тој често комуницира со своите следбеници на интернет.
Познато е дека Ѓоковиќ е голем навивач на Црвена звезда и во повеќе наврати беше виден во „Белградската арена“ како ги следи натпреварите на црвено-белите во Евролигата.
