Доколку не сте задоволни од Gemini и сакате повторно да го користите Google Assistant на вашиот Android телефон, тоа можете да го направите во само неколку чекори.
Многу корисници се жалат дека Gemini понекогаш одговара побавно, не ги разбира командите или прикажува пораки за грешка, поради што дел од нив решаваат повторно да се вратат на Google Assistant.
Кај поголемиот дел од Android уредите, промената може да се направи преку поставките на телефонот. Потребно е да ги отворите „Поставки“ (Settings), потоа да изберете „Апликации“ (Apps) и да ја пронајдете опцијата „Асистент“ (Assistant). Во делот „Дигитални асистенти од Google“ (Digital assistants from Google) ќе можете да изберете дали сакате да користите Gemini или Google Assistant.
Кај уредите со прилагодени кориснички интерфејси, како што се Samsung One UI, Xiaomi HyperOS или Oppo ColorOS, опцијата може да се наоѓа на друго место. Во тој случај, потребно е да ја отворите апликацијата Google, да кликнете на фотографијата од вашиот профил во горниот десен агол, да изберете „Поставки“, потоа „Google Assistant“ и во делот „Дигитални асистенти од Google“ да го изберете посакуваниот асистент.
Со оваа промена, корисниците можат повторно да ги користат познатите функции на Google Assistant. Сепак, треба да се има предвид дека исклучувањето на Gemini може да значи и губење одредени функции во некои Google Workspace апликации.
