Connect with us

#ФАЦИ

Нора Шаќири-Марковиќ: Моето разрешување е незаконско

Откако Нора Шаќири-Марковиќ денеска беше сменета од функцијата в.д. директор на Театар Комедија, таа вели дека нејзиното разрешување е незаконско. Нора на Фејсбук напиша дека е разрешена по анонимна пријава за мобинг, која против неа ја поднел еден од еден од вработените во Театарот. За него, Нора пред некое време почнала дисциплинска постапка.

„Почитувани другари, имам обврска пред себе и пред вас да ви образложам под какви околности денеска сум разрешена. Никој не е роден директор, не сум ни јас, но, не е секој спремен да влезе во кал, а од тоа да нема лична корист. Јас бев спремна и Театар Комедија се издигна над сите црни облаци кои го надвасаа. Ќе бидам кратка и јасна: Како директор поведов дисциплинска постапка за вработен кој без никакво образложение, без слободни денови, по завршувањето на колективниот одмор замина на патување и истото го поткрепи со фотографии и за истото се изјасни пред комисијата која го донесе решението за дисциплинска казна дека е виновен и казната ја прифати. По анонимна пријава за мобинг пратена до заменик претседателот на Владата за борба против корупцијата и криминал, министерот Љупчо Николовски, во театарот дојде вонреден инспекциски надзор“, вели Нора.

Поранешната в.д директорка потоа објаснува дека Државниот инспекторат за труд направил записник, во кој вели дека предметот ќе биде испратен до Државна комисија за спречување корупцијата (ДКСК) како надлежен орган, но дека до денес таа не добила никаков записник за мобинг. Затоа смета дека решението за нејзино разрешување е неосновано.

„До овој момент ни до театарот не е стигната никаква пријава за мобинг врз некој вработен. Она што е моја гордост е тоа дека работев согласно законот, дека ја имам безрезервната поддршка од сите мои колеги. Се изборив театарот да се врати во полн сјај без долгови, со три нови претстави, со прекрасен репертоар и неколку фестивали од кои два во продукција на театарот. Намерата е јасна, делата зборуваат за сите нас. Горда сум на се до сега направено, горда сум на тоа дека конечно во Театарот се врати комуникацијата, разбирањето и почитта меѓу вработените. Судете сами дали недоаѓањето на работно место е казниво за раководното лице или за лицето кое не се појавува на работното место без образложение“, напиша Нора и се заблагодари за поддршката кај колегите.

За потсетување, по нејзиното разрешување, на местото в.д директор Министерството за култура ја назначи глумицата Магдалена Ризов – Черних. Вработените во театарот, по оваа одлука, побараа на местото на Нора да дојде драматургот Дарко Спасов и најавија бунт ако не се исполнат нивните барања.

(Видео) Вработените од Театар „Комедија“ најавија бунт по одлуката за разрешување на Нора: Не се согласуваме Магдалена Ризова да биде директор

Извор: Репортер.мк

#ФАЦИ

Скоро 700 илјади прегледи на македонското видео за Јуниор Евросонг: Децата од „Дајте музика“ меѓу фаворитите за победа

Видеото за песната Green Forces со која децата од „Дајте музика“, кои ќе ја преставуваат Македонија на Јуниор Евросонг, има скоро 700 илјади прегледи откако пред две недели беше објавено на Јутјуб. Со развиорени знамиња, Кристина, Анастасија, Миха и Филип, им се заблагодарија на своите фанови за поддршката што ја добиваат.

Според коментарите од фановите од цела Европа, македонската песна и децата од „Дајте музика“ се меѓу омилените на годинашниот избор. Скоро сите пораки на јутјуб се со поддршка, а многумина пишуваат дека Green Forces е толку многу заразна и не можат да престанат да ја пеат, што ќе гласаат за неа и се надеваат дека Македонија ќе победи.

Музиката за Green Forces ja напиша Роберт Билбилов, а текстот е на Робин Зимбаков. Видеото е на „Вертиго вижуалс“.

Јуниор Евросонг годинава ќе се одржи на 19 декември во Париз, Франција.

(Видео) Со песна за спас на планетата Земја децата од „Дајте музика“ ќе настапат на Јуниор Евросонг

Извор: Репортер.мк

Continue Reading

#ФАЦИ

Пионерите на македонскиот хип-хоп „Чиста околина“ со нова песна го најавија следниот албум

Пионерите на македонскиот хип-хоп „Чиста околина“ го објавија првиот сингл од својот следен албум, кој треба да излезе во првата половина на 2022 година. Ова ќе биде вториот од трите албуми што ги најавија.

„‘Чиста околина‘ останува доследна на својата бескрајна музичка љубопитност и на новата песна ‘Врие Македонец‘ го спојува хип хоп изразот со семплови од Драган Ѓаконовски-Шпато, ‘Телонаука совршена‘, ‘Анастасија‘ и Алек Пејовски“, велат од издавачката куќа „Филтер лејбл“.

„Чиста околина“ во мај го објави Avant-garde fatiguée, нивниот прв албум по повеќе од 25 години пауза. Тој претходно беше најавен со сингловите „Си играме со рапот“ и „Малку поети“.

Извор: Репортер.мк

Continue Reading

#ФАЦИ

Времето лета Мања: Александар Митевски со емоции за роденденот на помалата ќерка

Пејачот и композитор, Александар Митевски, откри дека неговата помала ќерка Мања наполни 16 години. Тој на Фејсбук објави две постари слики со ќерка си, едната од нејзиниот 14. роденден, другата кога била помала.

„Мојата помала ќерка Мања денес 16. Времето лета“, напиша Митевски.

Освен Мара, Александар ја има и ќерката Ања. Таа во декември ќе полни 21 година.

Извор: Репортер.мк

Continue Reading
Advertisement

Инста

Facebook

Facebook

Трендинг

Copyright © Mediaset.mk / 2020

error: