Xbox воведува ново достигнување наречено Mythic Achievement, наменето за играчите кои ќе ги освојат сите достигнувања во една игра и целосно ќе ја завршат.
Новото достигнување има посебна икона, која визуелно се разликува од класичните трофеи, а ќе служи како доказ дека играчот постигнал сè што е можно во одредена игра.
Првата нова игра што ќе го поддржува Mythic Achievement ќе биде Gears of War: E-Day. Сепак, Xbox планира ова достигнување ретроактивно да го додаде и во постарите игри, вклучително и во наслови за Xbox 360.
Во моментов, функцијата е достапна за членовите на програмата Xbox Insider, а наскоро треба да стане достапна за сите корисници на Xbox, вклучително и за играчите на компјутер преку апликацијата Xbox.
