Милиони луѓе ја следат Ана Малигон на социјалните мрежи, каде што 23-годишната Украинка гради препознатлив имиџ преку хумористични видеа, мода и содржини од секојдневниот живот. Денес живее во Лос Анџелес, а нејзината кариера одамна ги надмина границите на интернетот и опфаќа и манекенство, OnlyFans, мода и реалити-телевизија.
Пред да стане позната на социјалните мрежи, Малигон студирала филмска и медиумска продукција на „Humber College“ во Канада, каде што се занимавала со пишување сценарија, режија и монтажа.
Најголемата популарност ја стекна преку TikTok, каде што има повеќе од седум милиони следбеници, додека и на Instagram ја следи повеќемилионска публика. Позната е по кратките хумористични видеа, но и по содржини поврзани со модата и нејзиниот живот.
Во интервју за „Interview Magazine“ кон крајот на 2025 година, Малигон отворено зборувала за тоа како рано сфатила дека контроверзните содржини предизвикуваат поголемо внимание.
„На некој начин, сите мои прегледи ги добив благодарение на омразата и контроверзиите“, рекла таа, објаснувајќи дека подоцна почнала почесто да објавува содржини за кои знаела дека ќе предизвикаат реакции и дискусии.
Значаен дел од нејзината кариера е и OnlyFans, за кој зборува отворено. Таа платформата ја гледа како начин да има поголема креативна слобода и финансиска независност, како и контрола врз сопствената работа.
Малигон признава дека не се оптоварува премногу со негативните коментари, а поголемо значење им дава на луѓето кои уживаат во нејзините содржини. Таа истовремено нагласува дека она што го прикажува на интернет не е целосна слика за нејзиниот приватен живот, бидејќи понекогаш намерно ги преувеличува ситуациите за да бидат позабавни.
Особено внимание привлекоа нејзините видеа снимени во замок, а голем број следбеници го забележаа и батлерот кој повремено се појавува во нив.
Малигон објаснила дека привремено живеела во замок додека ѝ се градела куќата. Бидејќи отсекогаш ги обожавала замоците, решила да престојува таму, а објектот имал и сопствен батлер. Неговите појавувања во нејзините видеа со текот на времето станале препознатлив дел од содржината.
@maligoshik maybe now i also get an edit ???
♬ original sound - anna malygon
И покрај гламурозниот живот што го прикажува на интернет, Малигон вели дека приватно не е голем љубител на излегувања и забави. Таа не пие алкохол, не пуши и, кога има можност, легнува околу 22 часот, бидејќи квалитетниот сон ѝ е еден од приоритетите.
Зборувајќи за притисокот околу физичкиот изглед, признала дека порано речиси секоја фотографија ја уредувала. Денес, како што вели, тоа го прави многу помалку и повеќе не го менува дигитално изгледот на своето тело.
Во последните години Малигон сè повеќе се појавува и во светот на модата. Таа присуствувала на повеќе ревии за време на Париската недела на модата во 2025 година, а меѓу омилените брендови го издвојува „Vetements“.
Во 2026 година се појави и во третата сезона на реалното шоу „Inside“, проект на британската група „Sidemen“, кој подоцна пристигна и на „Netflix“. Со тоа, нејзината кариера продолжи да се шири во повеќе насоки – од социјалните мрежи и модата до телевизиските проекти и создавањето содржини.
@maligoshik my Butler has a Birkin now
♬ original sound - anna malygon
