Организаторите на Вимблдон го изменија распоредот на натпреварите за денешната програма, па четвртфиналниот дуел на Новак Ѓоковиќ ќе започне подоцна од првично планираното.
Иако српскиот тенисер требаше да биде втор на програмата на Централниот терен, сега ќе настапи како трет, поради продолжувањето на прекинатиот меч меѓу Александер Зверев и Јиржи Лехечка.
Програмата ќе ја отворат Џесика Пегула и Коко Гоф, по што ќе продолжи дуелот меѓу Зверев и Лехечка, кој беше прекинат поради полицискиот час, при водство на Германецот од 2:0 во сетови и 3:3 во третиот сет.
По завршувањето на тие два меча, на терен ќе излезат Новак Ѓоковиќ и Феликс Оже-Алијасим. Колку ќе доцни почетокот на нивниот натпревар ќе зависи од времетраењето на претходните дуели, особено од продолжението на пресметката меѓу Зверев и Лехечка.
Според првичниот распоред, натпреварот на Ѓоковиќ требаше да започне околу 16:00 или 16:30 часот.
На Теренот 1 нема промени во програмата. Од 14:00 часот ќе играат Јаник Синер и Јан-Ленард Штруф, а потоа следува мечот меѓу Наоми Осака и Каролина Мухова.
