Многу патници веднаш по сместувањето во авионот ги соблекуваат чевлите, но една членка на кабинскиот персонал предупредува дека токму оваа навика може да доведе до сериозни здравствени ризици.
Во подкаст на Би-Би-Си, вработена во една од најголемите светски авиокомпании откри дека една од најчестите грешки што ги прават патниците е влегувањето боси во тоалетот на авионот.
Според неа, патниците секогаш треба да носат обувки кога го користат тоалетот, бидејќи течностите на подот не се секогаш вода. Тие можат да бидат урина, повраќаница, крв или други телесни течности што содржат бактерии, вируси и габи кои можат да навлезат во организмот преку кожата.
Покрај ова, кабинскиот персонал предупредува и на уште една честа грешка – патување со пасош на кој му истекува важноста. За многу држави важат строги правила, па пасошот мора да има важност од најмалку шест месеци при влез, додека за одредени земји од Европската Унија важи минимум три месеци.
Стјуардесите им советуваат на патниците никогаш да не патуваат без патничко осигурување, бидејќи тоа може да ги покрие трошоците доколку дојде до непредвидени ситуации.
Исто така, препорачуваат секој патник во рачниот багаж да носи основни лекови, како што се средства против болка. Тие објаснуваат дека кабинскиот персонал не смее секогаш да дели лекови без присуство на лекар, па најбезбедно е патниците сами да ги понесат потребните медикаменти.
