Поранешниот македонски кошаркар Перо Антиќ во гостувањето во подкастот „Јао Миле“ раскажа детали од различни периоди од својот живот, меѓу кои и случка од тинејџерските години во Скопје.
Антиќ се присети дека на 16-годишна возраст завршил во полициска станица, каде што, според неговото сведоштво, добил шлаканица која долго ја паметел.
„Имав 16 години. Добив една шлаканица што ја чувствував два дена“, раскажа Антиќ.
Во разговорот тој се осврна и на подоцнежни периоди од својот живот, меѓу кои и неговото апсење во Њујорк, во времето кога настапуваше во НБА-лигата.
Антиќ во подкастот зборуваше за различни искуства од својата младост, па сè до периодот поминат во САД и настапите на најголемата кошаркарска сцена.
