Петто бебе почина од голема кашлица во Холандија оваа година, соопшти холандскиот институт за јавно здравје RIVM.
Институтот соопшти дека бројот на пријавени случаи на голема кашлица е малку намален во последните недели во повеќето возрасни групи, објави NL Times.
Од почетокот на оваа година, Институтот веќе има добиено речиси 13.000 пријави за голема кашлица, што е најголема бројка во последните дванаесет години.
Меѓу заболените годинава имало 596 бебиња.
РИВМ прими 1.200 пријави за случаи на голема кашлица во изминатите две недели, што покажува надолен тренд.
Големата кашлица може да биде особено опасна за малите деца.
Половина од бебињата до пет месеци кои ја заболуваат оваа болест мора да бидат хоспитализирани, а речиси четвртина од малку постарите бебиња бараат болничко лекување.
Големата кашлица понекогаш може да трае со месеци и може да доведе до пневмонија.
Податоците на RIVM јасно покажуваат дека бебињата кои не примиле вакцина против голема кашлица се изложени на особено висок ризик да се заразат со оваа болест.
