Групата АрТе Факт, која настапи на 41. издание на фестивалот „Макфест“ и се пласираше во втората ревијална вечер со својата прва авторска песна „Вистина“, денеска го објави видеоспотот за песната.
Промоцијата се одржа на 6 ноември во „Public Room“, каде четворицата музичари ја претставија визуелната приказна за композицијата со која се претставија пред македонската публика.
Групата ја сочинуваат Марко Илиевски (вокал), Горјан Стевковски (тапани), Марко Илиевски (гитара) и Леонид Фотиновски (бас-гитара). Со „Вистина“, АрТе Факт го означија почетокот на својата авторска музичка приказна, а настапот на „Макфест“ претставуваше важен чекор во нивното претставување пред пошироката јавност.
Интересна е и визуелната приказна на видеоспотот, чиј режисер е Александар Ристовски – Принц. Снимањето се одвивало на две препознатливи скопски локации – студентскиот дом „Гоце Делчев“ и мостот „Гоце Делчев“.
